Markii la waydiiyay sida ay Barcelona kaga hor tagi doonto Real Madrid Final-ka tartanka Supercopa, Xavi ayaa yidhi“Hannaankeena, qaabka aan u ciyaareyno, kooxda aan heysano iyo qaabka aan ula tartamayno Madrid”.
“Tusaalaha aan ku dayno waa finalkii sanadkii hore markii aan ku badinay 3-1. Aad baan uga fiicneyn. Inkasta oo xilli ciyaareedkan guuldaro kala kulantay Madrid kulan ka tirsan horyaalka La Liga, haddana si fiican ayaan u ciyaarnay ilaa daqiiqadii 60-aad. Waxaan dareensanahay inaan wax badan ka heli karno ciyaarta”.
“Waa inaan kubada ka soo qaadnaa Madrid, waa in aan u ciyaarno si ka fiican sidii hore, Madrid ayaa ku jirta qaab ciyaareed ka fiican sidii sanadkii hore, laakiin waxaan isku dayi doonaa inaan maamulno oo aan u ciyaarno si ka fiican sidii hore”.
Barca ayaa doonaysa inay ka aarsato Real Madrid ka dib markii ay El Clasico-dii hore ee gurigeeda ku garaacday La Liga iyo inay ku guulaysato koobkeedii ugu horeeyay ee xilli ciuaareedkan.
Kooxda Barcelona ayaa xilli ciyaareedkii hore Real Madrid ku garaacday Koobka Supercopa Iyaga oo kaga badiyay 3/1 kulan ka dhacay sucuudiga
