Ururka qareenada ee LSK ayaa maanta sameeyay mudaaharaad nabadeed oo ay ku muujinayaan sida ay u garab taagan yihiin Garsoorka ka dib weerarradii aan kala joogsiga lahayn ee ka dhanka ahaa go’aannada maxkamadaha ee uu Madaxweyne Ruto ku qaaday Garsoorka.
Qareennada oo markii hore isugu soo baxay bannaanka hore ee maxkamadda sare iyaga oo uu uu hoggaaminayay madaxweynaha LSK, Eric Theuri iyo hoggaamiyaha Wiper iyo Kalonzo Musyoka ayaa ku dhaliilay madaxweyne Ruto inuu ku hanjabay inuu u hoggaansami doonin amarrada maxkamadda.
Qareenada ayaa sheegay inaysan ogolaan doonin in garsoorayaasha lagu cabsi geliyo inay soo saaraan amaro u xaglinaya dhanka waaxda fulinta.
Ururka LSK ayaa xaqiijisay madaxa cadaalada, Martha Koome, iyo dhammaan garsoorayaasha dalka in ay garab taagan yihiin.
