Bayern Munich ayaa guul ka gaadhay Manchester United oo marti ugu ahayd Allianz Arena oo toddoba gool ay labada kooxood iskaga dhaliyeen, xilli uu goolhayaha Anre Onana noqday murugada Manchester United burburka ku keentay.
Naadiga Bayern Munich ayaa laba gool la hormartay qaybtii hore kaddib qalad xun oo dilaa ah oo uu sameeyey goolhaye Onana oo kubbad diciif ahayd oo uu kusoo laaday Leroy Sane ay ka hoos baxday daqiiqaddii 28aad, halka afar daqiiqadood kaddibna uu ogolaaday in Serge Gnabry uu laad kale oo aad u liitay uu ka dhaliyo, inkasta oo eedda goolkan dambe ay qaybsanayeen difaacayahannada kooxdiisa.
Golhaye Onana oo moodayey in uu kubadda qabtay ayaa ka baxsatay farihiisa, waxaanay u weydaaratay shabaqiisa taas oo keentay in ciyaartoyda kooxdiisu ay dhaxda qabsadaan oo ay niyad-jab dareemaan, halka goolka labaad oo lagaga toogtay xerada ganaaxa aanu xataa isku dayin in uu raaco.
Bayern Munich oo inta badan ciyaarta maamulaysay ayaa ka sokow labada gool ee ay la timid qaybta hore, waxa kale oo ay heshay fursado ay iska lumiyeen ciyaartoydeeda afka hore iyo khadka dhexe, maadaama Man United ay isku dhax-yaacsanayd.
Markii lagu soo noqday qaybta labaad ee ay afar daqiiqadood socotay ayuu Rasmus Hojlund niyadda usoo celiyey kooxdiisa Manchester United oo uu u dhaliyey gool dib u furay ciyaarta, kaas oo ahaa goolkiisii koowaad ee uu u dhaliyo kooxdiisa cusub.
Real Madrid 1-0 Union Berlin
Bayern Munich 4-3 Man Utd3
Arsenal 4-0 PSV Eindhoven
Galatasaray 2-2 FC Copenhagen
Sevilla 1-1 Lens
Sporting Braga 1-2 Napoli
Benfica 0-2 RB Salzburg
Real Sociedad 1=1 Inter Milan1
