Kooxda Barcelona ayaa suuqa xagaagan kala saxeexatay xiddigaha kala ah Ilkay Gundogan, Inigo Martinez iyo Vitor Roque halka ay ku dhawdahay saxeexa xidiga kooxda Girona ee Oriol Romeu.
Barcelona ayaa la saadaalinaya in Saxeexa Romeu ay ku dhawaaqi karto Isniinta berri taas oo kooxda u ogolaan karta inay intaas kaddib diirada saarto xoojinta boosaska kale.
Xavi Hernandez oo ah tababaraha kooxda Barcelona ayaa doorbidayaa ciyaaryahanka Manchester City ee Bernardo Silva sida uu sheegay saxafi Juan Jimenez Salvado.
Silva ayaa ah bartilmaameedka Barca doorbidayso walow loo arko riyo aan macquul ahayn, waxa warkaas sii xoojiyay wargeyska Marca oo sheegay in City iibka Silva ku doonayso lacag 80 Milyan oo euro ah.
Intaas waxa dheer in Barcelona ku qasban tahay inay mushaharka ay bixiso dhinto 70 Milyan oo euro si ay u diiwaan galiso Bernardo, xaqiiqada ah in Barca wax iibintu ku adkaatay xagaagan ayaa ka dhigan in shaqada saxeexa Silva aad u adag tahay.
