Wasiirka Difaaca ee dalka, Aden Duale oo uu weheliyo Xoghayaha Difaaca ee Maraykanka, Lloyd Austin, ayaa saxeexay qaab-dhismeedka iskaashiga difaaca.
Qaab-dhismeedka la saxeexay Isniintii ayaa awood u siin doona labada waddan inay kor u qaadaan iskaashiga ka dhexeeya xiriir aad u adag oo isku xidhan.
Qaab-dhismeedka dhaqan galaya inta u dhaxaysa 2023-2028 ayaa ka caawin doona Kenya iyo Maraykanka inay balaariyaan iskaashigooda dhinacyada tignoolajiyada difaaca iyo hal-abuurka, la dagaallanka argagixisada iyo xagjirnimada rabshadaha, tababarka wadajirka ah iyo amniga badda taasoo awood u siinaysa labada ciidan inay ka jawaabaan si wax ku ool ah si looga hortago caqabadaha amniga ee weligood sii kordhaya.
Wasiir Ducaale ayaa ku adkaystay in Kenya ay sii ahaanayso mid si xoogan uga qaybqaadanaysa dadaalada nabad ilaalinta caalamiga ah sanadihii la soo dhaafay,waxana uu uga mahad celiyay dawladda Maraykanka taageerada joogtada ah ee ay ka geysanayaan hawlaha nabad ilaalinta ee gobolka, Geeska Afrika iyo meelo kala duwan oo caalamka ah.
Wasiir Ducaale ayaa sheegay in marka hawlgalka nabad ilaalinta ee la filayo ee Haiti uu soo maro dhammaan shuruudaha sharciga ah, Kenya ay diyaar u tahay in ay bixiso door hoggaamineed oo muhiim ah si nabad loogu soo dabaalo dalka iyada oo la tixgelinayo guud ahaan xuquuqda aadanaha ee dhammaan dadka rayidka ah ee Haiti.
Dhankiisa, Xoghayaha Difaaca Mareykanka Austin ayaa qiray in Kenya ay tahay saaxiibka istaraatiijiyadeed ee sanadihii la soo dhaafay isagoo sheegay in dadaalkeeda ay kula dagaalamayso maleeshiyada Al-Shabaab ay u keeneen natiijooyin wax ku ool ah oo lagu xakameynayo argagixisada.
Austin ayaa soo dhaweeyay go’aanka Kenya iyo sida ay uga go’an tahay in nabad laga helo Haiti isagoo sheegay in Mareykanku uu bixin doono taageero maaliyadeed iyo mid saadka si howlgalka taageerada nabadda uu u guuleysto.
