Ra’iisul Wasaarihii hore ee kenya Raila Odinga ayaa ku baaqay in la xoojiyo guddiga Midowga Afrika isagoo sheegay in tani ay ka caawin doonto dalalka Afrika inay rumeeyaan riyada Aabayaashoodii aas aasay si ay u gaaraan qaarad mideysan oo barwaaqo ah.
Raila ayaa sheegay in qaarada ay wali wajaheyso caqabado aad u fara badan kuwaas oo ay kaliya wax ka qaban karaan gudi xoogan.
Bishii Luulyo, Kenya waxay si rasmi ah u gudbisay dalabka hoggaamiyaha ODM ee kursiga Guddoomiyaha Midowga Afrika.
Dawladda ayaa samaysay guddi olole oo wadajir ah si ay uga caawiyaan Raila in uu ku guuleysto kursiga AU.
Madaxweyne William Ruto ayaa todobaadka soo socda si rasmi ah u daah-furi doona ololaha Raila Odinga ee hanashada kursiga guddoomiyaha guddiga Midowga Afrika.
