Kooxda ka ciyaarta La Liga ee Getafe ayaa diiday dalabkii ay kooxda Arsenal ka gudbisay saxiixa xiddiga Borja Mayoral.
Arsenal ayaa suuqa January u calaamadsatay xiddiga Borja Mayoral bartilmaameedka 1-aad si ay ugu xoojiso weerarka qaybta dambe ee xilli ciyaareedka.
Sky Sport ayaa sheegtay in ay Arsenal dalab 22 milyan ah ka gudbisay saxiixa xiddiga Borja Mayoral kaas oo ku jira qaab ciyaareed cajiib ah.
Si kasta ha ahaatee sida laga soo xigtay Goal, kooxda Getafe ayaa diiday dalabka ay Arsenal ka gudbisay saxiixa xiddiga reer Spain.
Kooxda Getafe ayaa doonaysa ugu yaraan 40 milyan oo euro si ay u iibiso xiddiga inta lagu jiro suuqa kala iibsiga January.
Xiddiga Mayoral ayaa dhaliyay 21 gool tartamada oo dhan xilli ciyaareedkan waxana uu Arteta taageere u yahay xiddiga.
