Afar qof ayaa subaxnimadii hore ee saaka ku dhintay shil baabuur oo ka dhacay wadada isku xirta Nakuru iyo Eldoret.
Shilkan ayaa ka dhacay deegaanka Hill Tea kadib markii ay isku dhaceen matatu ku sii jeeday magaalada Nakuru iyo bas.
Warbixin ay soo saareen booliska ayaa tilmaamaya in darawalkii matatuda uu lumiyay xakameynta gaariga, islamarkaana uu baska jiiray.
Saddex qof oo rakaab ah oo uu ku jiray darawalkii matatuda ayaa isla goobta ku dhintay.
Sagaal rakaab oo kale oo si xun u dhaawacmay ayaa hadda lagu daweynayaa Isbitaalka Eldama Ravine Sub-County Referral Hospital.
Meydadka dadka dhintay ayaa la dhigay qaybta meydadka lagu keydiyo ee isbitaalka.
Ciidanka booliska qaranka ayaa ugu baaqaya gaadiidleyda iyo dhamaan dadka kale ee isticmaala wadooyinka in ay taxadar dheeri ah muujiyaan inta ay ku guda jiraan xiliga ciida
