Dabley Hubeysan Oo Saddex Qof Ku Dishay Weerar Ka Dhacay Isiolo

Dabley hubeysan ayaa toogasho ku dilay saddex qof oo xoolo dhaqato ah tuulo ka tirsan ismaamulka Isiolo.
Booliska deegaanka ayaa sheegay in shan kale oo xoolo dhaqato ah ay ku dhaawacmeen laba weerar  oo kala duwan.

Dhacdadii koowaad  ayaa shalay subax ka dhacday deegaanka Boojidare halkaasoo kooxo burcad ah oo hubeysnaa ay ku toogteen labo ruux oo xoolo dhaqato ah ka hor inta aysan la baxsanin  300 oo neef oo isugu jira Ari iyo Lo’.

Ciidamada booliiska   oo halkaas u gurmaday ayaa ku guuleystay inay kaso celiyaan burcada  dhammaan xoolihii ay la baxsadeen . Ku xigeenka taliyaha  guud ee boliska maamulka, Gilbert Masengeli, ayaa sheegay in saddex qof oo kale oo reer miyi ah oo lagu toogtay dhacda iyago  loola cararay isbitaalka halkaas oo lagu dabiibayo .

Waxa uu intaa ku daray in koox ciidan ah  loo diray deegaanka si ay uso celiyaan xoolaha maqan.  taliye ku xigeenka booliska Masengeli ayaa u duulay deegaanka si uu u ogaado xaalada amni darada aagas ka jirto .

sidoo kale deegaanka Hola Buule ayaa koox kale waxa ay ku dileen nin xoolo dhaqato ah, waxaana u suuragashay in ay dhacaan 19 neef oo Lo’ ah oo uu watay.

Labo qof oo kale oo uu ku jiro askari ka tirsan ciidamada kaydka booliska ayaa ku dhaawacmay weerarka, waxaana loo qaaday isbitaalka si loogu daweeyo,

Masengeli ayaa sheegay in ay xoojiyeen howlgallada ay ka wadaan deegaanka oo lagu baacsanayo burcadda  xoolaha dhaca ee ismamulka isiolo  .