Kooxda reer Spain ee Real Madrid ayaa kordhisay qandaraaska Eder Militao ilaa 2028.
Militao ayaa ku biiray liiska Xidigaha kale ee qandaraaska kordhiyay ee kala ah Vinicius, Rodrygo, Fede Valverde iyo Eduardo Camavinga.
Qandaraaska daafaca dhexe ee reer Brazil ayaa lagu waday inuu dhaco June 2025.
Militao, ayaa galaya xilli ciyaareedkiisii shanaad isagoo ah ciyaaryahan Real Madrid ah, waxaana uu kula guuleystay sideed koob oo uu ku jiro Champions League.
Daafaca ayaa Real Madrid ugu soo biiray lacag dhan 50 milyan oo Yuuro sanadkii 2019 isagoo ka yimid kooxda Porto.
